!!వివాహబంధం!!

ఉదయపు తొలికిరణ తుషారబింధువు నేనైతే   

శీతలరేయి ఘనీభవించి తొణికిసలాడడు తను

   

ఉరుకుల పరుగులా చురుకు పయనం నాది   

నాచుపట్టినా నిలబడగల నిశ్చల నడక తనిది

తన్మయ దరహాసంతో సాగేటి సెలయేరు నేనైతే

నవ్వడానికి రీజన్ వెతికే నిండు సాగరం అతను

సీతాకోకలా రంగుల భావుకత చిందించాలని నేను

ఊసరవెల్లిలో రంగులు ఆరాతీసే మనస్తత్వం తను

వసంత సరాగాలు వినాలన్న కుతూహలం నాది   

అలల అలజడుల విషాదహోరు సంగీతం అతనిది

ప్రత్యేకమైన తేజస్సుతో వెలగాలనే తహతహ నాకు
నిశ్శబ్దం నీడల్లో నిలచిపోవాలనే ప్రాకులాట తనకు

భిన్నధృవాలకి మూడుముళ్ళుపడి ముప్పైరెండేళ్ళు

నిన్న నేడు రేపు విడిపోక సాగాలి ఇలాగే ఇద్దరం! !